Pinaveersaartitsinermi suliat
Nunatsinni Nerisaqarnermut Timigissarnermullu Siunnersuisoqatigiit suleqatigalugit nerisaqarneq timersornerlu sammineqarput.
Suleqatigiiffik PAARISA pinaveersaartitsinermik peqqinnerunissamillu suliniuteqartarpoq Nunatsinni Nerisaqarnermut Timigissarnermullu Siunnersuisoqatigiit qanimut suleqatigalugit, tamanna suliaq ingerlanneqarpoq Peqqissutsimut Attaveqarnermullu Naalakkersuisoqarfik allatseqarfittut ingerlatsisoralugu. Sumiiffinni pinaveersaartitsinermut suleqatigiissitat suliassaraat kommuunini pinaveersaartitsinermut peqqinnerunissamullu suliniutit nukittorsassallugit. Kommuunit amerlanerit pinaveersaartitsinermut siunnersortinik atorfilittaqarput. Suleqatigiiffik PAARISA peqqinnissaq pillugu ilinniartitsisunik suliaqarnermi pinaveersaartitsinermut siunnersortinut kommnunini tapissuteqartarpoq peqqissuunissamut pinaveersaartitsinisanullu suliniutaasussanut suliassanullu pilersaarusiassanut kimeqarnerulersitsisussamik.
Pujortartarneq pillugu pinaveersaartitsineq
Pujortartarnerup akiornissaanut pisortat suliffeqarfiisa maligassiuinissaat Naalakkersuisunit malunnartinniarneqarsimavoq, tamanna atuuppoq Inatsisartut Inatsisaanni nr.15 26.maj 2010-minngaannersuumi, tassani
inerteqqutigineqarpoq meeqqat atuarfiini, timersortarfinni aammalu meeqqat inuusuttullu ulloq unnuarlu inissiisarfinni illup iluani silataanilu pujortartarnissaq. Taamatullu inuusuttunut 18 inorlugit ukiulinnut tuniniaaneq inerteqqutigineqarpoq tamannalu taamaallaat pisinnaalluni nammineq saaffiginninnikkut.
Titartagaq 9.1. Agguaqatigiissillugu inummut ataatsimut 14 sinnerlugit ukiulimmut sikaritsinik atuineq
Najoqqutaq: Akileraartarnermut Aqutsisoqarfik, Qallunaat Nunaanni Naatsorsueqqissaartarfik aamma Naatsorsueqqissaartarfik
Sikaritsinik atuineq Tabel 12–imi takuneqarsinnaavoq.